Бишкекте кошунасын тапанча менен өлтүрөм деп коркуткан жаран кармалды

Милициянын кайгуул кызматы кошунасын тапанча менен коркуткан жаранды кармады. Бул тууралуу аталган кызматтан билдиришти.

Маалыматка ылайык, 20-октябрь күнү болжол менен саат 24:40 чамасында Бишкек ШИИББинин 102 кызматына Бишкек шаарынын үйлөрүнүн биринде тапанча менен коркутуп жатат деген маалымат келип түшкөн. Айтылган дарекке милициянын кайгуул кызматкерлери барып, маалыматты тактаганда 1976-жылы туулган Г.Э. аттуу аял арыз менен кайрылган.

Анда ошол эле түнү болжол менен саат 24:30 чамасында 1981-жылы туулган В.А. аттуу жаран арыз ээсин травматикалык тапанча менен өлтүрөм деп коркуткан.

Жазылган арыздын негизинде ыкчам кармоо иш-аракетин уюштуруп, жыйынтыгында кылмышка шектүү катары 1981-жылы туулган жаран кармалган. Шектүү Ленин РИИБинин тергөө кызматына өткөрүлүп берилген. Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

Автор: Айсалкын Качкынбекова