Бүгүн иш ордуна кайтып келген Нариман Түлеев Москвага иш сапары менен кетти

Бишкек шаарынын мэринин милдетин аткаруучу Нариман Түлеев Москва шаарына иш сапары менен кетти. Ал жактан мэрдин милдетин аткаруучу шаар үчүн керектүү болгон дары-дармектерди өлкө аймагына жеткирүү боюнча сүйлөшүүлөрдү жүргүзөт. Бул тууралуу маалыматты SUPER.KG порталына мэрдин кеңешчиси Гуля Алмамбетова билдирди.

"Нариман Түлеев Москва шаарына шаардыктар үчүн вируска каршы препараттарды үзгүлтүксүз жеткирүү боюнча сүйлөшүүлөрдү жүргүзүү үчүн учуп кеткен. Учурда Орусиялык мамлекеттик корпорациялар менен сүйлөшүүлөрдү жүргүзүп жатат. Анын жүрүшүндө вируска каршы препараттар, антибиотиктер, ошондой эле бул жакта дефицит болгон клексан, гепарин препараттарын алып келүү боюнча макулдашуулар өтөт. Анын ичинде медициналык кызматкерлерге керектүү болгон коргонуучу кийимдер тууралуу дагы сүйлөшүлөт. Мындан тышкары мэрдин милдетин аткаруучу иш сапарынын алкагында Орусиядан Кыргыз өлкөсүнө коомдук транспорт жеткирүү мүмкүндүгүн боюнча дагы сүйлөшүүлөрдү жүргүзөт", - дейт мэрдин кеңешчиси.

Автор: Бактыгүл Султаналиева