Баткендин Кайыңды айылынын тургундары таза суу менен камсыз болушту

Баткен районундагы Кайыңды айылынын тургундары таза суу менен камсыз болушту. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка караганда, министрликтин 2020-жылга карата атайын алдын алуу жана кесепетин жоюу боюнча иш мерчеминин негизинде, Баткен районунун Дара айыл аймагынын Кайыңды айылындагы тоо тилкелеринде жайгашкан таза суу өтүүчү арыктар селден жабыркагандыгына байланыштуу аны калыбына келтирүү үчүн ӨКМ тарабынан 55 метр темир труба бөлүнүп, жергиликтүү бийлик жана жашоочулар тарабынан жумуштар аткарылды.

Анда Кайыңды айылынын эли таза суу менен камсыз болушту.

Автор: Айжанар Рыспек кызы