"Жогорку кызматтагы адамдын тиешеси бар". Финпол 90 миллион сом өлчөмүндөгү салык төлөбөй жүргөн компанияны аныктады

Экономикалык кылмыштуулукка каршы күрөшүү боюнча мамлекеттик кызматы ири көлөмдөгү салык төлөмдөрүн төлөбөй жүргөн ачык акционердик коомуна тиешелүү фактыны аныктады. Бул тууралуу Финполдон маалымдашты.

Ага ылайык, "МИС" деп аталган ачык акционердик коому 90 миллион сом өлчөмүндөгү салык төлөмдөрүн төкпөй келгени маалымдалат.

"Чүй облусуна караштуу Ысык-Ата районунда бул компанияга тиешелүү өндүрүш, соода жана айыл чарба тармагындагы 30 объекти бар экени такталды. "МИС" (машина сыноочу станция) ачык акционердик коомунун эки негизги акционери бар экен. Алардын бири "E.C.L" оффшордук компаниясы болсо, экинчиси Ж.А. аттуу өлкөнүн жогорку кызматта иштеген адамдын жубайы экени такталды. Мындан тышкары компетенттүү органдын берген маалыматтарына ылайык, аталган компания 2009-жылы жогорку кызмат адамдарынын көмөгү астында Финансы министрлигинин алдындагы экономиканы өнүктүрүү боюнча мамлекеттик фондунан 200 миллион сом өлчөмүндөгү бюджеттик ссуда (ред. пайызы жок насыя) алган. Ссуда 2012-жылга чейин кант кызылчасынын уруктарын өндүрүү жана аны иштетүүчү заводго керектүү шаймандарды алуу үчүн берилген. Бирок берилген каражат максаттуу пайдаланылган эмес. Ал эми ссуданы кайтаруу мөөнөтү эки жолу 2025-жылга чейин узартылган. Учурда тергөө иштери жүрүүдө", - деп жазылат маалыматта.

Автор: Бактыгүл Султаналиева

15:34 30-10-2020

Жазылуу

РУБРИКАДАГЫ СОҢКУ КАБАРЛАР

17:56 2025-06-07 | Түркүн дүйнө

Масктын компаниясы менен кызматташуудан баш тартуу Пентагон үчүн көйгөйлөрдү жаратат 817 0

17:46 2025-06-07 | Кылмыштар, кырсыктар

Кантта оор жүк ташуучу унаа бир кишини сүзүп кеткени айтылууда (видео) 1091 0

17:21 2025-06-07 | Кылмыштар, кырсыктар

Ысык-Көлдөгү 80 миң долларлык жерге байланыштуу алдамчылыкка шектелген жаран кармалды 538 0

16:54 2025-06-07 | Түркүн дүйнө

Финляндияда Палестинаны колдогон активисттер Коргоо министрлигинин имаратын боёп салышты 546 0

16:31 2025-06-07 | Кылмыштар, кырсыктар

Бишкекте дайынсыз болуп жаткан 18 жаштагы кыздын сөөгү табылды 2443 0

16:14 2025-06-07 | Түркүн дүйнө

Мыймыйлар... Түркияда телеканалдагы түз эфирде түркиялыктарга өзгөчө сунуш айтылган (видео) 997 0

Архив

Комментарийлер (5)

stal.ks

2020-10-30 18:12:56

ушуга окшогондор чон суммадагы акчаларды пайдаланып журот,, элге болсо проценти жогору насыя беришет

Aky12

2020-10-30 20:09:50

Чон суммадагы акчаны алганы аз келгенсип,налог да толобой,уялбай жер устундо кантип басып журот ошондой адамдар, тан каласын.Карапайым эл,алганын сразу толобосо,уйлорун алып коет,а мындай жузу жокторго закон деле,кудай деле жокпу??

KaGaH

2020-10-30 23:55:35

Ж.А
Акылбек Жапаров

rafo80

2020-10-31 03:02:06

Азаматсың Сыймык. Баарын текшерт, сен кыла турган иштер дагы алдыда көп.

KUBA21

2020-10-31 16:35:30

Азаматсыз Сыймык байке так держать до конца

Комментарий калтыруу үчүн өз ысымыңыз менен кириңиз же каттоодон өтүңүз.