Бишкекте турак үйдөн чыккан өрттөн 71 жаштагы жаран күйүк алды

Бишкек шаарынын Октябрь районундагы Ясенский кыска көчөсүндө турак үйдөн чыккан өрттүн кесепетинен бир жаран жаракат алды. Бул тууралуу бүгүн, 6-ноябрда ӨКМнын басма сөз кызматынан кабарлашты.

"Ясенский кыска көчөсүндөгү турак үй толугу менен күйдү (аянты 420 чарчы метр). Өрт чыккан турак үйгө кошуна жашаган 1949-жылы туулган тургун эки колунан жана бетинен күйүк алып, ооруканага жеткирилди. Өрттүн себеби такталууда", - дешти мекемеден.

5-ноябрь күнү 09:30да Бишкек шаарынын Октябрь районундагы Ясенский кыска көчөсүндө турак үйдөн өрт чыгып, саат 12:11де өчүрүлгөн.

Автор: Бактыгүл Момбекова