Ошто милиция кызматкери айдоочу менен жол талашып, ок чыгарды

Ошто ок атуу менен коштолгон ээнбаштык фактысы катталды. Бул тууралуу Ош шаардык ички иштер башкармалыгынын басма сөз кызматынан кабарлашты.

Маалыматка ылайык, 10-ноябрь күнү болжол менен саат 17:30да Ош шаарынын тургуну, 1979-жылы туулган О.Р. арыз менен кайрылган. Анда ошол күнү Ош шаарынын А.Масалиев көчөсүнүн алдынан келген унаанын айдоочусу менен жол талашып, айтышып уруша кеткендиги айтылган. Уруштун кесепетинен каршысында келген айдоочу иниси жана атасы менен топтошуп арыздануучунун денесине жарат келтирип, ага карата ок чыгаргандыгын билдирген.

"Окуя болгон жерден ок атуучу травматикалык тапанчанын гильзасы табылды. Арыз ээсине денесинен алган жаратын аныктоо максатында соттук-медицианылык экспертиза дайындалды.

Аталган окуя боюнча арыз Ош ШИИБинин Ак-Буура милиция бөлүмүнө катталып, окуя болгон жерге ыкчам-тергөө тобу чыгып тиешелүү иш кагаздар топтолгон.

Ыкчам жүргүзүлгөн иликтөө иштеринин натыйжасында ок чыгарган жаран А.А. экени аныкталып, ал ИИМдин транспорттук ички иштер башкармалыгынын кызматкери экендиги белгилүү болду. Андан өз атына катталган травматикалык пистолет далил буюм катары алынды. Аталган факт "ээнбаштык" беренеси менен Кылмыштардын жана жоруктардын бирдиктүү реестрине катталып, сотко чейинки өндүрүш иши 11-ноябрь күнү менен Ош шаардык прокуратурасына кароо үчүн жөнөтүлдү", - дешти мекемеден.

Автор: Айжанар Рыспек кызы

13:32 12-11-2020

Жазылуу

РУБРИКАДАГЫ СОҢКУ КАБАРЛАР

17:56 2025-06-07 | Түркүн дүйнө

Масктын компаниясы менен кызматташуудан баш тартуу Пентагон үчүн көйгөйлөрдү жаратат 817 0

17:46 2025-06-07 | Кылмыштар, кырсыктар

Кантта оор жүк ташуучу унаа бир кишини сүзүп кеткени айтылууда (видео) 1091 0

17:21 2025-06-07 | Кылмыштар, кырсыктар

Ысык-Көлдөгү 80 миң долларлык жерге байланыштуу алдамчылыкка шектелген жаран кармалды 538 0

16:54 2025-06-07 | Түркүн дүйнө

Финляндияда Палестинаны колдогон активисттер Коргоо министрлигинин имаратын боёп салышты 546 0

16:31 2025-06-07 | Кылмыштар, кырсыктар

Бишкекте дайынсыз болуп жаткан 18 жаштагы кыздын сөөгү табылды 2443 0

16:14 2025-06-07 | Түркүн дүйнө

Мыймыйлар... Түркияда телеканалдагы түз эфирде түркиялыктарга өзгөчө сунуш айтылган (видео) 997 0

Архив

Комментарийлер (2)

Talantus

2020-11-12 13:52:31

Жол талашкан копкондор, кутургандар. Курсагынын кичине тойгонун которо албагандар, аттин ай.

nazira...

2020-11-12 22:15:34

Сабыр деген тугонгон да, куноо сенде болсо да ок чыгарбаш керек болчу да кызматтагы адам. Дагы булардын айлыгын кобойтом деп жатат, несине озун кармай албай ок атып атса.

Комментарий калтыруу үчүн өз ысымыңыз менен кириңиз же каттоодон өтүңүз.