"Манас" аэропортунан мыйзамсыз чек араны басып өтүүгө аракет кылган Кыргыз жараны кармалды

"Манас" аэропортунун өткөрүү пунктунан мыйзамсыз чек араны басып өтүүгө аракет кылган Кыргыз жараны кармалды. Бул тууралуу Мамлекеттик чек ара кызматынан кабарлашты.

Маалыматка ылайык, кармалган жаран Стамбул-Бишкек каттамы менен келген. Аэропорттун өткөрүү пунктунан паспорт текшерүү учурунда ал 1979-жылы туулган С.А. аттуу жарандын документин көрсөткөн. Текшерүү учурунда ал көрсөткөн документинде жалган маалымат (фамилиясы, аты) коюлгандыгы аныкталган. Изилдөө иш-чарасынын жыйынтыгында документте көрсөтүлгөн маалыматтар башка адамга таандык болуп чыккан. Ал эми кармалган адам 1978-жылы туулган И.Н. аттуу жаран экендиги аныкталган.