Өлкөдө аялдар айдоочулук күбөлүктү көбүрөөк ала баштады. Бул тууралуу Мамлекеттик каттоо кызматынын басма сөз кызматынан билдиришти.
"2019-жылы мырзаларга 127 миң 586 айдоочу күбөлүгү берилсе, айымдарга 31 миң 236 күбөлүк берилген. Бул эркектердикинен 96 миң 350 даанага азыраак, айырмасы – 75,5 пайызды түзөт.
2020-жылы 10 айда мырзалар 121 миң 591 күбөлүк алышты. Ал эми аял кишилер 32 миң 165 гана, бул 89 миң 426 даанага азыраак, айырмасы 73,5 пайыз түзөт", - деп жазылат маалыматта.