Интернетте эмне кеп? Текебаев: "Сиз эч ким эмессиз", деликатеске айланган эт, көздөн кайым болгон штандарт, чекесинен суракка чакырылган депутаттар, таштандынын арасында орун алган Атамбаевдин кызы

Апта аягына чыгып, эс алуу күндөрүн чыдамсыздык менен күтүп жаткан кез. Октябрь айынан бери саясатты гана акмалаган эл. Буга жараша элди зериктирбей, талкууга жем таштаган ар кандай жаңылыктар.

Шайлоого катышам деп өз ыйгарым укуктарын токтоткон Садыр Жапаровдун ордуна калган Талант Мамытовдун иш бөлмөсүндө штандарттын жок экенин байкаган кыраакы интернет колдонуучулары ага издөө салышты. Жаңы Конституциянын авторлорун бат эле издеп табышкан колдонуучулар азырынча штандартты табыша элек, расмий жактар да бул тууралуу үн ката элек.

Жаңы Конституцияны ары калчап, бери калчап окуганы да, окубаганы да сөз кылып жаткан маалы. Жаңы Баш мыйзамга тырмактай да тиешем жок деген депутаттар чекесинен суракка чакыртыла баштагандарын айтып баракчаларына жазып чыгышты. Ал эми ИИМ болсо бир нече депутаттар октябрь айында болгон окуялар боюнча суракка чакырылып жатканын айтып, эл өкүлдөрүн жана коомчулукту жөн эле ызы-чуу түшпөөгө чакырды.

Кыргыз өлкөсүндө мыйзамдын атасы аталган Өмүрбек Текебаев кайрадан көңүл чордонунда. Сындалса да сына элек Текебаев жаңы мыйзамды жазган адамдардын бирине түз эфирде "Сиз эч ким эмессиз" деп айткан сөзү социалдык тармактарда желдей тарап, ар кандай мэмдердин чыгышына себеп болду. Бул сөздү Текебаев Зулпуевге эле айттыбы же? Негизгиси Текебаев жаңы Баш мыйзамга караманча каршы экенин билдирди.

Дайыма өзгөчө бир окуяларды жарата билген мурдагы президент Алмазбек Атамбаевдин кызы Алия Шагиева бул ирет да коомчулукту таң калтыра алды. Ал таштандынын арасында сүрөткө түшкөн. Интернет колдонуучулары Шагиеванын бул сүрөттөрүн ар кандай талкууга алышкан.

Азык-түлүк, буга кошулуп кыргыз сүйүп жеген эттин баасы асман чапчып, эл нааразы боло баштады эле айыл чарба министри Тилек Токтогазиев баалар турукташканга чейин чет өлкөгө мал-жандыктарын экспорттоого тыюу салды. Коомчулуктун бир тарабынын мүдөөсү аткарылды, мал сатып иштеген экинчи тарап нааразы болбогой эле.

Автор: Айзада Тураркулова

00:10 21-11-2020

Жазылуу

РУБРИКАДАГЫ СОҢКУ КАБАРЛАР

18:13 2025-07-05 | Түркүн дүйнө

Трамп TikTok'ту сатып алуу келишими даяр экенин айтты 1080 0

17:10 2025-07-05 | Коом жана турмуш

Таңкы рейдде Оштун мэри дагы бир көчөгө асфальт басууну чечти (видео) 1514 0

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 1906 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 1736 0

14:42 2025-07-05 | Түркүн дүйнө

Түркияда коррупциялык иштерге байланыштуу дагы үч мэр кармалды 867 0

14:17 2025-07-05 | Саясат

Садыр Жапаров: "Орус тилисиз биз Кыргызстандан алыс чыга албайбыз" 1732 0

Архив

Комментарийлер (4)

souza.j

2020-11-20 14:19:46

Асман чапчып

umarbey

2020-11-20 15:20:39

Teke senin ordun turmodo. Turmodo chirishin kerek ele. Olkobuzdun ushunday akibalga kelishine senin oto chon salimin bar.

Seitek90

2020-11-21 19:43:59

umarbey,сөзүңүзгө кошулам

nazira...

2020-11-22 08:32:23

Теке суудан курук чыгып келатат го, ооо Акаев доорунан бери. Эч ким буга тен келе албады го бир кудайдан башка. Былыйып баарын кылып келатат, же онолуп кетпеди олкобуз. Бышып калган окшойт жарылайын деп жон отурбай озун озу кылып атат, бир нерсе коройун деп калган окшойт.

Комментарий калтыруу үчүн өз ысымыңыз менен кириңиз же каттоодон өтүңүз.