23-ноябрда мезгил-мезгили менен кар жаайт

Эртең, 23-ноябрда республиканын көпчүлүк аймактарында мезгил-мезгили менен кар жаайт. Кыргызгидромет борборунун маалыматына ылайык, Ысык-Көл, Нарын облустарынын көпчүлүк аймактарында, Чүй облусунун айрым райондорунда кар жаайт.

Чүй, Талас, Ош, Жалал-Абад, Баткен облустарынын айрым аймактарына туман түшөт. Батыштан соккон шамалдын ылдамдыгы секундасына 15-20 метрге чейин жетет.

Абанын температурасы:

Чүй өрөөнүндө түнкүсүн -8...-13, күндүз -3...+2;

Талас облусунда түнкүсүн -12...-17, күндүз 0...-5;,

Ош, Жалал-Абад, Баткен облустарында түнкүсүн -5...-10, күндүз -1...+4;

Ысык-Көл облусунда түнкүсүн -3...-8, күндүз -1...+4;

Нарын облусунда түнкүсүн -9...-14, күндүз 0...-5;

Бийик тоолордо түнкүсүн -20...-25, күндүз -8...-13 градус суук болот.

Бишкекте түнкүсүн кар жаайт. Абанын температурасы түнкүсүн -8…-10°, күндүз 0…-2° болот.

Автор: Бактыгүл Момбекова