Жөө адамды өлтүрө сүзүп, окуя болгон жерден из жашырып кетүүгө шектелген айдоочу жана жанындагы жүргүнчү кармалды

Бишкекте жөө адамды сүзүп, окуя болгон жерден качып кетүүгө шектелген айдоочу кармалды. Патрулдук милициянын маалымат катчысы кырсык 22-ноябрда болжол менен саат 22:10 чамасында орун алган.

Бишкек ШИИББинин нөөмөт кызматына Термичиков көчөсүндө жөө жүргүнчүнү сүзүп кетишти деген маалымат келип түшкөн.

"Кайгуул кызматкерлери жерине барып, болжол менен 50-55 жаш курактагы кебетеси азиалык болгон жаранды унаа сүзүп, айдоочу окуя болгон жерден качып кеткендигин аныкташкан. Кырсыктын кесепетинен жөө адам жеринен каза болгон.

Ыкчам издөө иш-чараларынын жүрүшүндө кылмыш изи сууй электе шектүү катары Деу Нексия үлгүсүндөгү унаанын айдоочусу, 1989-жылы туулган О.Э. жана Д.М. аттуу жүргүнчү кармалган.

Бул факты Кылмыштардын жана жоруктардын бирдиктүү реестрине катталып, тергөө иштери жүрүүдө", - дешти мекемеден.

Автор: Бактыгүл Момбекова