Бишкек шаарында унаасынын каптал терезелерин атайын күңүрттөп, караңгылатып жүргөн айдоочу кармалды

Милициянын кайгуул кызматы алдыңкы жана каптал терезелерин атайын күңүрттөп, караңгылатып алган айдоочуну кармады. 28-ноябрда милициянын кайгуул кызматкерлери бөлүнгөн аймакта кайгуул кылып жатып, Датка жана Линейная көчөлөрүнүн кесилишинен "Nissan Maxima" үлгүсүндөгү авто унааны токтотушкан. Текшерүү учурунда 1998-жылы туулган Т. А. аттуу айдоочу алдыңкы жана каптал терезелерин атайын караңгылатып алгандыгы аныкталган. Бул факты боюнча Милициянын кайгуул кызматы айдоочуга Кыргыз республикасынын бузуулар жөнүндө кодексинин 129-беренесинин 3-бөлүмүнө ылайык протокол толтурулганын кабарлады.

Автор: Гүлшат Ысамамат кызы