Кыргыз өлкөсүнүн атынан Вьетнамдагы стартаптар сынагына катышкандар жеңишке жетишти

Кыргыз өлкөсүнүн атынан Вьетнамдагы "Grab Ventures Ignite" аталышындагы стартап сынагына катышкандар
жеңүүчүлөрдүн бири болушту. Бул тууралуу чет элдик басылмалар жазып чыгышты.

Маалыматка ылайык, Түштүк-Чыгыш Азиядагы эң ири мобилдик технологиялар компаниясы кардарларын миллиондогон сатуучулар жана ишканалар менен байланыштырып туруу максатында ушундай
иш-чараларды өткөрүп турат.

Ал эми "Grab Ventures" компаниясы 2018-жылы Түштүк-Чыгыш Азияда жаңы муундагы технология лидерлерин түзүү жана тарбиялоо максатында башталган.

"Кыргыздар GoDee тиркемесин иштеп чыгышкан. Аталган тиркеменин жардамы менен кардарлар ыңгайлуу жана үнөмдөө менен таксилерге буйрутма берсе болот", - деп жазылат маалыматта.

Автор: Гүлзина Каныбекова