"Бизге АКШ, Франция, Израилден бери чалып жатышат" дейт жубайлар Рустам менен Айзат

SUPER.KG порталынын каармандары Рустам Иманалиев жана жубайы Айзат Мамырай кызына курулуш компаниялардын бири батир белек кылды. Кубанычы коюнуна батпаган жаш жубайлар, буюруса, бир жылдан соң өз үйүндө жашап кала тургандыгын айтып буларга токтолду:

“Учурда бизге берилген батирдин курулуш иштери жүрүп жатыптыр. Кудай буюруса кийинки жылы ачкычы колубузга тийип, үйүбүзгө кирип калабыз. Азыркы жашап жаткан жерибиз Социалдык-өнүгүү министрлигинин карамагына өткөн жай. Алар демөөрчү тапсак, бул жерге имарат курабыз, силер чыгасыңар деген. Бул жерде канча жашай турганыбызды деле билбейбиз”,- дейт Рустам Иманалиев.

Сүйүнүчтөн маңдайы жарыла кубанган Айзат Мамырай кызы SUPER.KG порталына тартылгандан кийин көптөгөн адамдар көңүл буруп, ар тараптан жардамдар келе баштагандыгын айтат. Жаш жубайлар менен болгон маекти толугу менен SUPER.KG порталынан көрө аласыздар.