super.kg logo

Өкмөт Өзбекстан менен чектешкен Дейрес-Сай айылындагы курулуш боюнча түшүндүрмө берди. Жергиликтүү жашоочулар эмне дейт?

 

Жалал-Абад облусуна караштуу Аксы районунун Дейрес-Сай айылындагы чек арада инженердик-техникалык курулуш боюнча бүгүн, 4-декабрда өкмөт түшүндүрмө берди. Бул тууралуу маалымат аталган мекеминин расмий сайтына жарыяланды.

"Аталган тилке 2017-жылдын 5-сентябрында Кыргыз өлкөсү менен Өзбекстан мамлекетинин ортосундагы макулдашууларына ылайык, делимитация процедурасынан өткөн. Буга байланыштуу тилкедеги инженердик иштердин жүргүзүлүшү аймактын бүтүндүгүн бузууга жатпайт.

Мамлекеттик органдын өкүлдөрү жергиликтүү бийлик өкүлдөрү менен Дейрес-Сай айылына барышып, жергиликтүү тургундарга кырдаал боюнча түшүндүрүү иштерин жүргүзүп келишкен. Учурда айылдагы абал туруктуу", - деп айтылат маалыматта.

Бул арада SUPER.KG порталы жергиликтүү тургундар менен байланышып, айылдагы бүгүнкү абал боюнча маалымат алдык. Дейрес-Сай айылынынын жашоочусу Курсант Кадыров төмөнкүлөргө токтолду.

"Дейрес-Сай айылы Өзбекстан менен чектешкен айыл. Көп жылдан бери жашап келебиз. Жакынкы жылдарда эле айылдын бир топ жери коңшулаш өлкөгө өтүп кетти. Бул жерде канчалаган эл эч жакка көчпөстөн чек арада жашап жатат. Бир күн мурда Өзбек тараптын аскерлери келип биз жакка жол сала баштады. Мурда Кыргыз өлкөсүнө караган тоо эми Өзбекстандын карамагына өтүп жатат. Ортодогу тоо коңшулаш мамлекетке өтүп кетсе, алардын аскерлери үчүн аябай жакшы "турак" болот. Себеби, ал тоодон биздин айылда кимдин эмне кылып жатканы, чек ара заставасында кандай иштер жүрүп жатканынан бери көрүнөт. Ал эми учурда айыл тынч эле, ар ким өз турмушу менен алек. Бул маселени ким келип чечип берет, ал белгисиз. Карапайым элдин үнүн уккан эч ким жок",- дейт Кадыров.

Белгилей кетсек, кечээ 3-декабрда Дейрес-Сай айылынын тургундары интернет аркылуу бийликке кайрылуу жасап, аталган аймактагы жер тилкелеринин көбү Өзбекстанга өтүп кеткендигин айтып нааразы болушкан видео жарыяланган.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(3)
04.12.2020. 22:39 
Тайпасы:
Жаран
Комментарийлердин саны:
611
Катталган:
25-01-2016
Соӊку аракети:
25-01-2021 19:39
Жынысы:
Белгисиз
+5
Ошондо не болду, өзбөктөргө сала береби үйлөрүн
05.12.2020. 08:33 
Тайпасы:
Жаран
Комментарийлердин саны:
376
Катталган:
11-10-2013
Соӊку аракети:
25-01-2021 17:49
Жынысы:
Белгисиз
Калаасы:
Аксы
+8
Садыкем мн Ташикем кокуй кыйратат чек араны дегендер сосканарды дальше эме бергиле эми.
05.12.2020. 21:00 
Тайпасы:
Жаран
Комментарийлердин саны:
557
Катталган:
16-01-2016
Соӊку аракети:
21-01-2021 00:15
Жынысы:
Белгисиз
Калаасы:
Москва
0
aslan_akjol89, жакшылап окуп чыкда 2017жылы деп турат, аша же соке койгон колду садыр жапаров менен камчыбек ташиевдей Эл учун иштеген бир адамды айтчы ?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
159829;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: