Мурдагы өкмөт башчы Сапар Исаков өлкөдө болушу мүмкүн. Бул тууралуу SUPER.KG порталына анын жактоочусу Замир Жоошев билдирди.
Анын айтымында, Исаковдун кайда экенинен анын үй-бүлөсүнүн да кабары жок.
"Азыр Сапар Исаков качып кетти деген маалыматтар тарап жатат. Бирок антип айтууга негиз жок. Анткени милиция анын өлкөдөн чыгып кеткенин, чек арадан өткөнүн аныкташ керек. Ошондо гана качып кетти деп айтса болот. Исаковдун кайда экени тууралуу менде дагы маалымат жок. Ал дайынсыз болуп жаткандан бери байланышкан жокпуз. Үй-бүлөсүнүн да маалыматы жок", - деди Жоошев.