Вице-спикер Мирлан Бакиров Рыскелди Момбековдун атын Чыныбай Акунович деп алмаштырып алды

Вице-спикер Мирлан Бакиров депутат Рыскелди Момбековдун атын Чыныбай Акунович (ред. Чыныбай Турсунбеков) деп алмаштырып алды.

Бүгүн, 9-декабрда Жогорку Кеңештин жыйынында референдум өткөрүү боюнча мыйзам долбоору тууралуу депутаттар өз ойлорун айтышты. Анда депутат Рыскелди Момбеков сөз сураган. Вице-спикер Мирлан Бакиров Рыскелди Чыныбекович деп айтам деп, Чыныбай Акунович деп айтып алды. Бир аздан соң ал дароо сөзүн оңдоп кетти.

Чыныбай Турсунбеков 6-июлда пневмониядан улам каза болгон. Ал парламенттеги талкууларга активдүү катышкан депутаттардын бири эле. Чыныбай Турсунбеков "Түтүн" деген өзү жазган ырын Жогорку Кеңештин жыйынында окуп бергени көпчүлүктүн эсинде болсо керек.