Баарына түшүнүктүү болсун үчүн. Ырларды кол менен жаңсап түшүндүрүү долбооруна кыргыз ырчылары катышууда

Кыргыз эстрада ырчылары "Бешбармак" долбооруна катышууда. Бул долбоордо кыргыз ырларынын мазмуну кол жаңсоо менен түшүндүрүлөт.

Аталган долбоорду колдогондордун арасында Кыргыз Республикасынын Эл артисти Гүлнур Сатылганова, Кыргыз Республикасынын Эмгек сиңирген артисти Кайрат Примбердиев, рэпер Баястан, Бегиш, ырчылар Курал Чокоев, Чолпон Талипбек, Айымжан Айылчиева, Толгонай Арзыкеева бар.

"Бул долбоор ден соолугунун мүмкүнчүлүгү чектелген, тагыраагы, дүлөй жарандарга ырдын мазмунун жеткирүүнү демилгелеп чыгышыптыр. Эң туура нерсени алып чыгышыптыр. Анткени ырдын клиптеринде деле ырдын мазмунун толук ачып бере албайбыз, түшүнүксүз болуп калат көп учурда", - дейт Кайрат Примбердиев.

Гүлнур Сатылганова - "Ак санат"

Кайрат Примбердиев - "Айылыма"

Чолпон Талипбек - "Барба"

Курал Чокоев - "Гилас"

Бегиш - "Ата-эне"

Айымжан Айылчиева - "Сүрөөн"

Баястан - "Дос"

Толгонай Арзыкеева - "Обон"

Автор: Бактыгүл Момбекова