Малик Аликеев: "Эки кадам таштап акырындан басып жатам"

Ырчы Малик Аликеев өткөн жылы кокустап, жамбаш сөөгүн сындырып алып төшөктө жаткан. Ага июль айында операция жасалып, ооруканадан чыккандан кийин Таласта жүргөнү кабарланган. Ырчыны Жаңы жылы менен куттуктап байланышканыбызда, жакшы кабары менен бөлүштү.

"Учурда дагы деле Таластамын. Кудайга шүгүр, ден соолугум жакшы болуп калды. Күнүгө эки кадам таштап акырындан басып жатам, мындайча айтканда, тай-тай басып калдым. Басып калсам Бишкекке барып жеке концертимди коём деп жатам. Үйдө жатканда ыр жаздырайын деп студияда иштегендерди чакыргам, азырынча келе элек", - дейт ал.

Малик Аликеевге операция Бишкектеги Травматология жана ортопедия илим изилдөө борборунда жасалган.

Автор: Бактыгүл Момбекова