UFC уюмунун башчысы Дана Уайт Жастин Гэйтжинин кийинки атаандашы ким болорун айтты

Жастин Гэйтжи

UFC уюмунун президенти Дана Уайт MMAFighting басылмасына берген маегинде америкалык мушкер Жастин Гэйтжинин кийинки атаандашы ким болорун айтты.

"Эгер баары ойдогудай болсо, анда Гэйтжинин кийинки атаандашы Чарльз Оливейра болушу мүмкүн", - деген Уайт.

Чарльз Оливейра былтыр декабрь айында өткөн UFC 256 турниринде Тони Фергюсонду жеңип алган. Ал эми Жастин Гэйтжи 2020-жылдын октябрь айында орусиялык мушкер Хабиб Нурмагомедовго утулуп калган.

31 жаштагы Чарльз Оливейра карьерасында жалпы 39 беттеш өткөрсө, анын 30унда жеңүүчү аталып, 8 жолу жеңилүү ызасын тарткан жана 1 ирет тең чыккан.

32 жаштагы Жастин Гэйтжи карьерасында жалпы 25 беттеш өткөрсө, анын 22синде жеңүүчү аталып, 3 ирет жеңилүү ызасын тартып калган.

Автор: Азат Бейшенбеков