Абдил Сегизбаев №7194 шайлоо тилкесинде добуш берди (фото)

Президенттикке талапкер Абдил Сегизбаев Аламүдүн районуна караштуу Кой-Таш айылындагы №7194 шайлоо тилкесине жубайы менен келип добуш берди.

Абдил Сегизбаев адилеттүү таза шайлоо үчүн шарт түзүлбөгөнүн айтып административдик ресурс колдонгонун баса белгиледи. “Хандык болбосун, Жаныш Бакиев менен Максим Бакиевдин бөлтүрүктөрү өлкөнү башкарып калбасын, парламенттик шайлоодо чуркап жүргөн 3 партия бийликке келбесин, коррупция Бакиевдин заманындагыдай гүлдөбөсүн, кишилерди, саясатчыларды өлтүрүү болбосун деп күрөшүп келе жатам. Бул жолумдан тайбайм. Шайлоодон кийин да өзүбүздүн күрөшүбүздү, өзүбүздүн чындыгыбызды элге айта беребиз”, - деп билдирди Сегизбаев.

№7194 шайлоо тилкесинде санитардык эрежелер сакталып, добуш берүү уланууда.