Бишкек мэриясынын кызматкерлери борбордук "Ала-Тоо" аянтындагы жана аттракциондордогу мыйзамсыз соода менен алектенгендерди жоюу максатында рейд өткөрүштү. Бул тууралуу аталган мекеменин басма сөз кызматынан билдиришти.
"Бул жолу 3 адамдын күчүн өлчөй турган эсептегич, 9 оюн конструкциясы демонтаждалып, 38 соода түйүнү жок кылынды. Мындан тышкары, Жибек Жолу проспектиси менен Тоголок Молдо көчөсүнүн кесилишиндеги 10 мыйзамсыз пункт алып салынды, сатуучулар менен түшүндүрүү иштери жүргүзүлдү", - деп жазылат маалыматта.