Жалал-Абадда жакынкы күндөрү бала бакчалар ачылат

Жалал-Абад шаарындагы бала бакчалардын ишмердүүлүгүнө уруксат берүү боюнча иш жүрүүдө. Бул тууралуу шаардык мэриядан маалымдашты.

Маалыматка ылайык, бүгүн вице-мэр Руслан Алтымышев баштаган топ калаадагы бала бакчалардын санитардык абалын текшерип чыкты.

"Бала бакчаларга наристелерди кабыл алуу боюнча атайын алгоритм иштелип чыккан. Бир тайпада 15-20 бала болуп, санитардык нормалар так сакталууга тийиш.

Бала бакчалардагы абал тууралуу жакынкы күндөрү шаардык штабдын жыйынында талкууланып, кайсы күндөн баштап уруксат бериле турганы жөнүндө чечим кабыл алынат", - деп жазылат маалыматта.

Автор: Айжанар Рыспек кызы