Ысык-Көл облусуна "Тез жардам" унаалары берилди

Ысык-Көл облусуна жаңы 9 медициналык "Тез жардам" унаасы берилди. Бул тууралуу өкмөттүн аталган облустагы өкүлчүлүгүнөн билдиришти.

Маалыматка ылайык, унаалар облустагы калктын муктаждыгына жараша эң зарыл болгон оорукана, бейтапканаларга тапшырылды. Анда "Тез жардам" унаалары:

Ысык-Көл облустук бириктирилген ооруканасына;
Облустук үй-бүлөлүк медицина борборуна;
Түп райондук ооруканасына;
Тоң райондук ооруканасына;
Балыкчы шаардык ооруканасына;
Ананьево айылдык жалпы дарыгерлик практика борбору;
Чолпон-Ата шаарындагы үй-бүлөлүк медицина борборуна тапшырылды.

"Жакын арада облус тургундарынын саламаттыгы үчүн маанилүү болгон 2 портативдик рентген аппараты, 1 стационардык рентген жана 1 компьютердик томография аппараты бар "Тез жардам" унаасы келээри күтүлүүдө. Алар Жети-Өгүз жана Ак-Суу райондоруна жеткирилет", - деп билдиришти өкүлчүлүктөн.

Автор: Айжанар Рыспек кызы