"Кайрат" клубу Гүлжигит Алыкуловдун мультфильм каарманындагы сүрөтүн жарыялады

Футбол боюнча Казакстандын чемпиону болгон "Кайрат" футболдук клубу белгилүү кыргыз футболчусу Гүлжигит Алыкуловдун мультфилм каарманындагы сүрөтүн клубдун расмий сайтына жарыялады.

"Аптаны позитивдүү баштайлы. Эгер биздин жигиттер "Дисней" компаниясынын каармандары болсо...", - деп жазылат билдирүүдө.

Сүрөттө көрүнгөндөй Гүлжигит Алыкуловдун сүрөтү дүйнөгө белгилүү "Дисней" компаниясынын мультфильмдеринин бириндеги каармандын сүрөтү менен окшоштурулуп жасалган.

Гүлжигит Алыкулов "Кайрат" клубуна "Неман" клубунан 2020-жылдын январь айында өткөн.

Автор: Азат Бейшенбеков