Өзбекстанда жатак абактар жабылууда. Бул тууралуу аталган өлкөнүн басылмалары жазып чыгышты.Маалыматка ылайык, ал жерде жаза мөөнөтүн өтөп жаткан жарандар башка абактарга которулду.
"Быйыл алты жатак абакты жабуу пландалып жатат. Алар Ташкент, Жизак, Кашкадарыя жана Сурхандарыя облустарында жайгашкан" деген Жаза аткаруу кызматынын аты-жөнүн билдиргиси келбеген кызматкери.
2020-жылы декабрдын аягында Өзбекстандын президенти Шавкат Мирзийоев парламентте сүйлөп, акырындык менен өлкөдөгү 25 жатак абакты кыскартуу пландалып жатканын билдирген.
Өткөн жылы августта өлкөнүн ички иштер министри Пулат Бабажанов Өзбекстандын абактарында отурган камактагылар кыйла азайганын, алардын саны 22,9 миңди түзөрүн билдирген.
Шавкат Мирзийоев бийликке келгенден бери Өзбекстанда 50дөн ашык мурдагы жогорку кызматтардагы саясий туткун эркиндикке чыгарылды. Алардын арасында маркум президент Ислам Каримовдун тушунда соттолгон саясий оппозициянын активисттери, журналисттер жана укук коргоочулар бар" , - деп жазылган маалыматта.
