"Бет чыдабай калды деп өздөрү таркап кетишсе болот". Бишкекте Жогорку Кеңештин таркап кетишин талап кылган митинг өттү (сүрөт)

Бүгүн, 27-январда Ак Үй алдында тынчтык митинги болуп өттү. Митингге чыккандар Жогорку Кеңеш тарасын деген талап менен чыгышкан. Арасында мурунку өлкө башчы Сооронбай Жээнбековдун ант берүү аземине катышуусуна каршы болгондор да бар.

"Садыр Жапаров, депутаттарды кетириңиз, ушунча жыл чыдадык, дагы 3 ай чыдайбыз. Жаңы жүздөрдү алып келгиле, элдин алдына алып чыгып тааныштырып, эл менен кеңешип таза адамдарды, акчага алданбаган жаштарды шайлагыла жана ошолорго мыйзам жаздыргыла. Депутаттар өздөрү деле "бет чыдабай калды, биз үчүн канча адамдар кыйналып жатат" деп туруп өздөрү деле таркап кетсе болот. Арасында намыстуулар бар, алар деле "чимкирик" деген атка тааныштарыбыз арасында дагы көнүп бүттүк, кетсе кетебиз жатышат", - деп билдирди митингге чыккан жарандык активист Мирлан Орозбаев.

Ошондой эле ал бул митингди инаугурациянын алдында президентке бут тосуп жатат деген ойдон алыс болууга чакырып, буларга токтолду:

"Биз үмүт менен чогулуп жатабыз. Атайын биз инаугурациядан кийин эмес, иш-чара өтөөр алдында чыгып жатабыз. Андан кийин жамандык болбосун, ага чейин биз оюбузду билдирели деп чыктык. Суукка карабастан ар кайсы облустан келишти. Жогорку Кеңеш тарайт деген үмүт бар. Биздин үнүбүз жетсе, балким, ант берүү аземи бүткөн соң 1 жумадан кийин тарап кетишет", - деп билдирди ал.

Ак Үй алдына чогулган аз сандагы жарандар элге батасын берип, өлкөдө тынчтык болсун деген тилектери менен тарап кетишти.

Автор: Гүлзина Каныбекова
Фото: Гүлзина Каныбекова

14:13 27-01-2021

Жазылуу

РУБРИКАДАГЫ СОҢКУ КАБАРЛАР

23:31 2025-07-13 | Түркүн дүйнө

АКШнын Юстиция министрлиги мурда Трампка каршы иштеген кызматкерлерин кетирди 350 0

22:03 2025-07-13 | Саясат

Каналдагы сууга агып кеткен 21 жаштагы жигиттин сөөгү табылды 1242 0

19:07 2025-07-13 | Коом жана турмуш

Автобус айдаган аксакал менен жеңил унаанын айдоочусу жакалаша кетти (видео) 1996 0

18:20 2025-07-13 | Коом жана турмуш

Казакстанда жолдошуна экинчи аял алып берген аялдын видеосу тарады 2411 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 1017 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 1009 0

Архив

Комментарийлер (8)

Sezimim...

2021-01-27 14:19:51

Озу бет бар беле???...

NURSAPAR

2021-01-27 14:20:52

Деги түгөйбү митинг. Көч бара бара түзөлөт.

-1

Vovan

2021-01-27 15:27:39

Чынында бизге 120 депутаттын не кереги бар ошонун баарын карапайым калк багып келет андан коро санын азайтсын

kalbek87

2021-01-27 16:05:13

Уюштургандарды кармаш керек биринчи. 5-6 адамды акчага жалдап чыгарып коюшуп эле митинг деп тойгозушту.

-1

bbek

2021-01-27 16:11:54

Туура давно кетиш керек эле

Talantus

2021-01-27 17:40:06

Бул парламент озу отурган жок, Садырга керек болуп турат. Садырдын Бир буйругу менен парламентти таратууга укугу бар. Муну кантип тушунбой койсо болот.

aslan_akjol89

2021-01-27 22:25:42

Садыр Жапаров ушул "чимкириктер"дин жардамы менен моонотунон мурда шайлоо белгилетип,премьер министр болуп,жакын досун адамдарын кызматка мыйзамдуу демиш болуп бекиттирип алганын корбодунорбу митингчилер?Же силерди Садыр Ж чыгарып жатабы эптеп жетер жерге жетип алган сон "эл кет деп жатат,кете берет окшойсунар" дегенге оной болсун деп.Убагында Сооронбай Ж ны дагы ошенткен,"эл кет деп атат сизди,кете беринизчи пожаааалуйста"деп.

Yahoo

2021-01-28 11:52:14

Митингчилер-силердин кылаарга жумушунар жокбу? Андан коро ошол кичинекей кызга жылуу чайынарды берип уйдо отурбайт беленер?

Комментарий калтыруу үчүн өз ысымыңыз менен кириңиз же каттоодон өтүңүз.