Финпол тарабынан депутат Кубанычбек Жумалиевдин жакындары кармалды

Финансы полициясы чет өлкөлүк инвестор, Германиянын жараны Б.Ф.нын арызынын негизинде өзгөчө ири өлчөмдөгү алдамчылык фактысы боюнча сотко чейинки өндүрүштү баштады. Бул тууралуу аталган мекеменин басма сөз кызматынан билдиришти.

Маалыматка ылайык, арыз ээси Жогорку Кеңештин депутаты Кубанычбек Жумалиев жана башка адамдар анын ишенимине кирип, 200 миң АКШ долларын гана төлөп, 1 миллион доллар турган жабдууларды алышканын айткан.

"Белгилүү болгондой, Германиянын Б.Ф. аттуу жараны “А.Ю.К.” ЖЧКсы менен түзүлгөн келишимге ылайык 1 миллион доллар суммасында минералдык сууну куюучу жабдууларды жөнөткөн. Аталган ЖЧКнын директору М.С.М. Кубанычбек Жумалиевдин жакын тууганы. Андан кийин Жумалиевдин оозеки кайрылуусу боюнча инвестор тарабынан дагы бир “С.К.” ЖЧКсынын дарегине жабдуулар жөнөтүлгөн, анын директору дагы депутатка жакындыгы бар адам – Ж.Э.С. болгон.

Бул адамдардын мыйзамсыз аракеттеринин натыйжасында чет өлкөлүк “М.Г.Б.В” компаниясына 800 миң доллар өлчөмүндөгү өзгөчө ири өлчөмдө зыян келтирилген. Үстүбүздөгү жылдын 28-январында Кыргыз Республикасынын Жазык-процесстик кодексинин 98-беренесине ылайык кылмышка шектүү деп “А.Ю.К.” ЖЧКсынын директору М.С.М. кармалып, Бишкек шаардык ички иштер башкармалыгынын убактылуу кармоочу жайына киргизилди.

Бүгүн, 29-январда “С.К.” ЖЧКсынын директору Ж.Э.С. кармалды. Мындан тышкары бул иш үчүн маанилүү болгон буюмдар жана документтер жоголуп же жок болуп кетиши мүмкүн деген кооптонуулар болгонуна байланыштуу Жумалиевдердин үй-бүлөсүнө таандык университеттин аймагында жайгашкан бул фирмалардын кеңселеринде кечиктирилгис издөө иштери жүргүзүлүп жатат", - деп жазылат маалыматта.

Укук коргоо органдарындагы өздүк булактар, кармалган адамдар депутат Кубанычбек Жумалиевдин уулдары Элнур Жумалиев жана Султан Мырзабеков экенин SUPER.KG порталына билдиришти.

Автор: Бекболот Сарыбаев

19:59 29-01-2021

Жазылуу

РУБРИКАДАГЫ СОҢКУ КАБАРЛАР

10:13 2024-07-27 | Спорт

"Олимпиада -2024": Кыргызстандын атынан биринчи болуп Денис Петрашов чыгат 3 0

08:16 2024-07-27 | Саясат

Садыр Жапаров Парижде Олимп оюндарынын ачылышына катышты (видео) 727 0

00:07 2024-07-27 | Коом жана турмуш

"Үмүт" үйүнүн ашпозчусу Гүлдөсүн Уезалиева: "Бул жакка келген ата-апалардын көпчүлүгү келиндин жамандыгынан келдик дешет" 821 0

23:55 2024-07-26 | Кылмыштар, кырсыктар

ИИМ: жарым жылда мыйзамсыз жүгүртүүдөгү 12,8 тонна баңгизат жок кылынды 307 0

23:27 2024-07-26 | Түркүн дүйнө

Иранда журналист өлүм жазасына тартылды 1635 0

22:21 2024-07-26 | Коом жана турмуш

Ош-Бишкек унаа жолундагы көрнөк-жарнактар алынууда (видео) 662 0

Архив

Комментарийлер (10)

Simels

2021-01-29 20:04:36

Эң жакшы!

+12

Rusbayastan

2021-01-29 20:23:26

Тушунсом олойун М.С.М Ж.Е.С

+14

Aky12

2021-01-29 20:33:32

Жеген арам акчалар тешип чыга берсин, силер тайрандаган заман отуп, жооп бере турган мезгил келди, азыркысы эч нерсе эмес, кийин "аркы дуйнодо" жооп бергенде кыйналасынар го

+18

suban78

2021-01-29 22:03:26

Ууру кескилердин айынан кыргыздар бала чакасын таштап дуйнодо тентип журушот. Бул жегич акмактар тайрандап жыргап журушот.
Ээх КЫРГЫЗ элим пешенене эшек тепкен экен.
Дагы Артем Новиков премьер болсун десе каршы чыккан кок мээлер да болуп жатат. Мына озубуздун кыкендер озубузду тоноп, тентитип, озулору шылдындап карап отурушат.
Эгер мигранттар жонундо ууру кескилик кылып байыгандардын создорун уксанар го, жашагынар келбей кетет. Биздин устубуздон жешип, дагы бизди шылдындашканы

+12

Bolotbek9191

2021-01-29 22:03:56

Аркы дуйносун ойлосо ушинтип жемек беле

Sakubek

2021-01-29 22:10:56

Розадан туулган балдарыбы же биринчи катынынанбы

Sardarakam

2021-01-29 22:20:15

Ишкерлерге корупционерлер кысым жасап жатышат. Эртен силерда чон ишкер болсонор канкор корупционерлер силергеда кысым жасайт.

zam81

2021-01-29 23:25:09

Ак эмгек менен иште эчким тийишпейт ага болбой жатышпайбы

asefsa

2021-01-30 00:05:04

Озунун эмес ага инилеринин балдары окшойтго экоосунун Тен отчестволору болок экен

aslan_akjol89

2021-01-30 03:19:35

Оозеки кайрылууга деле оборудование жоното берген немец деле кок мээ окшойт го

Комментарий калтыруу үчүн өз ысымыңыз менен кириңиз же каттоодон өтүңүз.