Президенттик аппараттын маалымат кызматына Нуркамал Асканова жетекчи болуп дайындалды

Президенттик аппараттын маалыматтык саясат бөлүмүнүн башчысы болуп Нуркамал Асканова дайындалды. Бул тууралуу бүгүн, 1-февралда президенттик аппараттын маалымат кызматынан кабарлашты.

Белгилүү болгондой, тиешелүү жарлыкка өлкө башчысы Садыр Жапаров кол койду.

Белгилей кетсек, аталган кызматты буга чейин Нургазы Анаркулов жетектеп келген. 30-январда ири өлчөмдө пара талап кылган деген шек менен президенттик аппараттын маалыматтык саясат бөлүмүнүн башчысы Нургазы Анаркулов кармалган.

Нуркамал Асканова Нарын районундагы 8-март айылында төрөлгөн. Орто мектепти аяктагандан кийин Бүбүсара Бейшеналиева атындагы искусство институтунда билим алган.

КТРКдагы "Кайдасың?" программасын 10 жылдан ашуун убакыт бою алып барат.

Автор: Бактыгүл Момбекова