SUPER.KG порталынын "Элдик кабар" бөлүмүнө Ош шаарынын жашоочусу байланышып, шаардагы Западный кичи районунун айланасындагы таштанды ташталган жерди сүрөткө тартып жиберген.
Бул маселе боюнча "Ош-Тазалык" ишканасына кайрылганыбызда, ал төмөндөгүдөй жооп беришти.
"Негизи бул жерлер Ош шаарына жакын жайгашкан, бирок жакынкы районго, тагыраагы, Кара-Суу районуна караштуу. Бул жерди деле ошол жерден өткөн район тургундары булгашса керек. "Ош-Тазалык" ишканасынын жумушчулары күнү-түнү дебей өздөрүнө бөлүнгөн аймактарды тазалап, шаар үчүн кызматын аткарууда", - деп жооп беришти аталган ишканадан.