Чүйдө 40тан ашык кой уурдоого шектүү жарандар кармалды. Бирөөсү уюшкан кылмыштуу топтун мүчөсү

Чүй облусунун Панфилов районунда 40тан ашык кой уурдоого шектүү жарандар кармалды. Бул тууралуу Чүй ОИИББинин басма сөз кызматынан билдиришти.

Маалыматка ылайык, былтыркы жылы 8-октябрь күнү Панфилов РИИБине жергиликтүү тургун арыз менен кайрылган. Анда 8-октябрь күнүнө караган түнү арыз ээсинин сарайына белгисиз адамдар кирип, малчыларына күч колдонуп коркутуп, сарайдан 49 баш койун уурдап кеткен.

Бул факты Кылмыштардын жана жоруктардын бирдиктүү реестрине 201-берене "Тоноо" боюнча катталып, сотко чейинки өндүрүш иштери башталган.

"Издөө иш-чараларынын жүрүшүндө кылмышка шектүү делип, үч жаран кармалган. Алар 1989-жылы туулган Б.Н., С.А., жана ИИМдин ыкчам каттоосунда уюшкан кылмыштуу топтун мүчөсү катары турган 1982-жылы туулган К.З. аныкталган. Учурда кармалган адамдар тергөө кызматына жеткирилди. Сотко чейинки өндүрүш иштери улантылууда",- деп жазылат маалыматта.