Чек араны аныктоо боюнча Тажикстан менен сүйлөшүүлөр март айында улантылат

Тажикстан менен чек араны делимитациялоо жана демаркациялоо боюнча өкмөттүк комиссиянын иши март айында улантылат. Бул тууралуу өкмөттүн чек ара маселелери боюнча атайын өкүлү Назирбек Бөрүбаев өкмөттөгү брифингде билдирди.

Анын айтымында, сүйлөшүүлөр COVID-19 пандемиясына байланыштуу токтотулган.

"Белгилүү болгондой, чек араны делимитациялоо жана демаркациялоо боюнча комиссияны УКМКнын төрагасы Камчыбек Ташиев жетектейт. Ал азыр ооруп жатат. Ташиев Кыргыз өлкөсүнө кайтып келгенде март айынын биринчи он күндүгүндө Тажикстан менен сүйлөшүүлөрдү баштайбыз", - деди ал.

Ал кыргыз-тажик чек арасындагы айрым жер тилкелеринин жайгашкан жеринин татаалдыгын белгиледи.

"Биз Тажикстан менен 2002-жылы иштеше баштадык жана чек аранын 60 пайызын макулдаштык. Калган бөлүмдөр өтө татаал болгондуктан, аны кыска убакыттын ичинде чечүү мүмкүн эмес", - деп кошумчалады ал.

Автор: Гүлшат Ысамамат кызы