"Боёнуп". Валентина Шевченко көпчүлүктү суктандырган сүрөтү кантип тартылганын көрсөттү (видео)

UFC уюмунун чемпиону Валентина Шевченко өзүнүн социалдык тармактагы баракчасына кызыл көйнөгү менен көпчүлүктү суктандырып түшкөн сүрөтү кантип тартылганы тууралуу видеону жарыялады.

"Кызыл түстөгү көйнөк менен тизени көрсөтүп учуп жаткан фотосессиядан" деп жазды видеонун алдына Шевченко.

Буга чейин Валентин Шевченконун кызыл көйнөк менен түшкөн сүрөтү интернет колдонуучуларын суктандырып, көпчүлүк колдонуучулар өздөрүнүн жакшы ой-пикирлерин сүрөттүн алдына калтырып Шевченко күчтүү гана эмес, керек учурда назик да боло ала турганын жазышкан.

22-ноябрда АКШнын Лас-Вегас шаарында өткөн "UFC 255" турниринде Валентина Шевченко бразилиялык Женнифер Майяны утуп, чемпиондук курун төртүнчү ирет коргоп калган. Ал эми Жессика Андраде октябрь айында америкалык мушкер Кэтлин Чукагяндын үстүнөн техникалык нокаут менен жеңишке жеткен.