Абалы канааттандырарлык. Бишкекте Аламүдүн суусуна түшүп кеткен жаран куткарылды

Бишкекте Аламүдүн суусуна түшүп кеткен жаран куткарылды. Бул тууралуу ӨКМнын басма сөз кызматынан кабарлашты.

Белгилүү болгондой, бүгүн, 17-февралда Бишкек шаарындагы Жибек Жолу кең көчөсүндө эркек адам Аламүдүн суусуна түшүп кеткендиги тууралуу маалымат нөөмөт бөлүмгө келип түшкөн.

"Окуя болгон жерге 5 куткаруучу тартылды. Белгисиз себептен улам сууга түшүп кеткен 1975-жылы туулган К.П. аттуу жаран 5 метрлик бийиктиктен атайын шаймандар менен чыгарылып, "Тез жардам" кызматкерлерине өткөрүлдү. Жарандын абалы канааттандырарлык", - дешти мекемеден.

Автор: Бактыгүл Момбекова
Фото: ӨКМнын басма сөз кызматы