Чүйдө мурунку аялынын суранычын аткарбай, аны желкеден алып жерге ыргыткан күйөөсү 6 айга эркинен ажыратылды

Чүй облусунун Панфилов районуна караштуу Кайыңды аймагында күйөөсү менен ажырашып кеткен аял иштерин бүтүргүчө баласын бир аз убакытка карап туруусун суранган. Анда аялдын мурунку жолдошу аны уруп, зомбулук көрсөтөм деп коркуткан. Ал 6 айга эркинен ажыратылды. Окуя мындан 2 ай мурун, тагыраагы, 2020-жылдын декабрь айында болгон. Өкүм Жогорку Соттун расмий сайтына жарыяланды.

Окуянын чоо-жайы:

Т.Р. аттуу жаран 2020-жылдын 23-декабрында саат болжол менен 9:00 чамасында Кайыңды аймагында С.Р. аттуу аялды оозго алгыс сөздөр менен сөгүп, зомбулук көрсөтөм деп коркутуп, аны жакасынан кармап жулмалап жерге кулатып жиберген.

Айыпталуучу Т.Р. - 1975-жылы Талас облусунда туулган, улуту кыргыз, билими орто, мурда соттолбогон. Учурда Панфилов районунун Кайыңды аймагында жашайт.

Бул факты Кылмыштардын жана жоруктардын 119-беренеси боюнча катталып, сотко чейинки өндүрүшкө алынган. Майда бейбаштык, башкача айтканда, зомбулук көрсөтүү менен коштолуучу коомдук тартипти же жалпы кабыл алынган жүрүм-турум нормаларын одоно бузуп атайылап жасоо менен айыпталат.

Жабырлануучу соттук отурумда айыпталуучу анын мурунку жолдошу экенин айтып, ал мыйзам чегинде жаза алуусун суранган.

"Айыпталуучу Т.Р. менин мурунку жолдошум, биз 2018-жылы ажырашып кеткенбиз. 2020-жылдын 23-декабрында саат 9:00 чамасында менин иштерим чыгып, баламды атасы карап турсун деген ой менен анын үйүнө ээрчитип баргам. Бир аз убакытка баланы таштап турайын десем, ал учурда жашап жаткан аялы менен уруша кетип, аялына болушуп мени уят сөздөр менен урушуп, жакамдан кармап жулмалап, желкемден кармап жерге түртүп жиберди", - деп көрсөтмө берген С.Р. аттуу жабырлануучу.

Айыпталуучу сотто өз күнөөсүн моюнга алган эмес.

"Өткөн жылы 23-декабрда эртең менен уктап жатсам аялым тургузуп эшикте бирөө чакырып жатканын айтты. Эшикке чыксам мурунку аялым балабызды карап тур деди. Анан эле бир маалда ал азыркы аялым менен уруша кетти, бала калбайм деп кайра өзү кетип калды. Мурунку жубайым өзү биринчи мага кол көтөрүп урушуп баштады, анан мен аны моюнунан кармап түртсөм жерге жыгылып калды, болгону ушул", - деп билдирген ал өз көрсөтмөсүндө.

Өкүм:

Сот топтолгон далилдерге юридикалык баа берип, жабырлануучунун, айыпталуучунун соттук кароодо беришкен көрсөтмөлөрүн угуп, өкүм чыгарды. Айыпталуучу күнөөлүү деп табылып, 6 айга эркиндигинен ажыратылсын. Ошондой эле пробациялык көзөмөл коюлсун.

Автор: Гүлзина Каныбекова

09:33 18-02-2021

Жазылуу

РУБРИКАДАГЫ СОҢКУ КАБАРЛАР

23:59 2025-05-30 | Саясат

Камчыбек Ташиев милиция кызматкерлерине таза иштөөнү эскертти (видео) 353 0

23:20 2025-05-30 | Кылмыштар, кырсыктар

Жалал-Абадда транс улуттук кылмыштуу топтун ишмердүүлүгү токтотулду 421 0

23:08 2025-05-30 | Коом жана турмуш

Садыр Жапаровдун катышуусунда футбол боюнча турнир өтөт 353 0

23:03 2025-05-30 | Бизнес-Инфо

Visa системасы аркылуу ыкчам эл аралык которуулар — эми BakAi тиркемесинде! 170 0

22:04 2025-05-30 | Коом жана турмуш

Кара-Кулжадагы келиндин өлүмү: Маркумдун агалары акыркы жагдайлар боюнча айтышты 2037 0

21:17 2025-05-30 | Коом жана турмуш

Камчыбек Ташиев өлкөнүн жаштар курамасынын машыгуусуна көз салды 522 0

Архив

Комментарийлер (9)

AykaMer

2021-02-18 01:44:42

Идиот азыркы аялына тили өтпөйбү?! Жап оозуңду бул да менин балам да, менин уругумду сыйлабаганың мени сыйлабаганың деп катуу эле айтып алып калса болбойбу?! Катынга теңелип кошо айтышпай... Вообще акылы жок киши экен... Өз баласын танган акмак экен...

nazira...

2021-02-18 08:25:51

Жок биринчи аялы неге барат, адам түгөнүп калса да. Экинчиси менен жашап атса ал аялын кызгантып атайлагандай кылыптыр. Рас ажыраштыбы жолобо, баланы буга чейин кандай кылып атса ошенте.бербейби, иууган урук, кошуна колон бар, өлүп кетип атсан бир барып жанында отуруп.турат. Былжырап күндөшүнө апарбай.

ainura220888

2021-02-18 21:37:08

nazira...,алда жоопту если что бала учун. Коп эркектер ойлойт алимент толойм баламы пусть апасы карасын деп. Бирок ажырашса деле аны бала карасын деген милдеттен эч ким эч нерсе бошоткон эмес

Gulina90

2021-02-18 09:18:26

Сот тура эмес кылыптыр ,жалжактап аялы болсо эмнеге барат озу тийишип курттаптырда.

Yasminnur

2021-02-18 13:41:56

Ажырашты дегени ата баланы карабай коюш керек дегени эмес го. Баланын көзүнчө апасына кол көтөргөн эркек оюңарча жакшы адамбы? Экинчи аялынын "юбкасынын" астына кирип алып, баланын психологиясын бузган эркек сөрөйлөдү камап убара болбой, атып эле салыш керек. Атам бир катын үчүн менден кечкен дегенге караганда,атам өлгөн деген ой жеңилирээк. Баштан өткөн(((.

myrza_kyrgyz

2021-02-18 13:59:04

Азыр эркектей болуп унчукпай калайн десен дагы болбойт, суйлогонго заставить этишет. Ачуунду келтирип,сразу эле электи куноолоп баштайсынар да

Nuri1988Elim2010

2021-02-18 20:41:15

Ажырашкандан кийин эмнеге барат, атайын эле барганда ызы чуу кылганы

ainura220888

2021-02-18 21:40:46

Эй туугандар законду оз укугунарды уйронгулочу кагылайындар. Ажырашып кетсе деле атасы милдеттен кутулду деген эмес. Ал энесинин жумушу чыгып калса милдеттуу турда караш керек. Мине барат дейт атасы барбаса алып келетда. Баарынар эле ушинтип жазгандар карангы болбогулачы. Баланы апасы асмандан алып тороп алыпбы??? Анда экинчи аялым менен тынч жашайм деп баладан отказ жазып берсин. Эч ким апкелбейт темселеп.

Raik

2021-02-20 12:45:04

Эми ошолорду көргөн баласы атасы м-н такыр эле катышпай коет го. Аялдар го өлүп кетсин. Бала кандай акыбалда өсөт,психикасы эмне болду экен бечаранын. Атама керегим жок экен деп ата дегенде жүрөгү муз болот го

Комментарий калтыруу үчүн өз ысымыңыз менен кириңиз же каттоодон өтүңүз.