Бир айдын ичинде башка жол тандабас алып берүүнү убадалаган. Бишкекте алдамчылык кылганга шектелип 40 жаштагы жаран кармалды

Бишкекте унаалар менен алдамчылык кылган деген шек менен 40 жаштагы жаран кармалды. Бул тууралуу Ленин РИИБинин басма сөз кызматынан билдиришти.
Маалыматка ылайык, 2020-жылдын 17- ноябрында Ленин РИИБине И.К. аттуу аял арыз менен кайрылган. Анда 2020-жылдын 28-августунда Н. аттуу жаран арыз ээсинин 12 миң 500 доллар турган Лексус RX-330 үлгүсүндөгү унаасын бир айдын ичинде Lexus GX-470 үлгүсүндөгү унаага алмаштырып берем деп убада берип, унааны ээлеп алып, качып кеткен.

Бул факты Кылмыштардын жана жоруктардын бирдиктүү реестрине 204-берене "Алдамчылык" боюнча катталып, сотко чейинки өндүрүшкө алынган.

"Издөө иш-чараларынын жүрүшүндө жогорудагы кылмышка шектелип 1981-жылы туулган Б.Н. аттуу жаран кармалып, СИЗО-1ге эки айга камакка алынган. Учурда шектүүнүн ушул сыяктуу башка фактыларга тиешеси бар экендиги тууралуу тергөө амалдары уланууда", - деп жазылат маалыматта.

Автор: Гүлзина Каныбекова