реклама
super.kg logo
реклама

"Бизнес үчүн мен 24 саат бою байланыштамын". Премьер-министр бизнес-коомчулук өкүлдөрү менен жолугушту

 

Премьер-министр Улукбек Марипов атамекендик бизнес-коомчулук өкүлдөрү менен жолугушту. Бул тууралуу өкмөттүн басма сөз кызматынан билдиришти.

Жолугушуунун негизги максаты катары экономиканы мындан ары карай активдештирүү, демилгелерди жана ишкерлер үчүн жагымдуу шарттарды түзүү боюнча биргелешкен чараларды талкуулоо болуп саналат. Ал эркин микрофон режиминде өтүп, ар бир катышуучу өз идеяларын жана көйгөйлөрүн билдирүүгө ыңгайлуу шарт түзүлдү.

Премьер-министр белгилегендей, мындай форматтагы жолугушуулар өкмөт жана бизнес-коомчулук ортосундагы пикир алышууга кошумча дем берет жана үзгүлтүксүз негизде өткөрүлүүсү зарыл.

"Бул жолугушууда катышып жаткандардын ар бири республикабыздын өнүгүүсүнө олуттуу салымын кошкон. Узак убакыт бою биз бизнеске тийиштүү көңүл бура алган жокпуз. Бирок, бул мамилени өзгөртүүгө, мамлекеттик жеке диалогдун жаңы бизнес-моделдерин ишке киргизүүгө убакыт келип жетти. Биз ишкерлик тармагындагы ачык-айкын эрежелерди камсыздоо үчүн бардык күч-аракетибизди жумшоого даярбыз. Бул ченем жаратуу демилгелерине, ишкерлерге жеке инвестиция тартууга дем берүүгө, инновациялык тараптарды субсидиялоого, мамлекеттик органдар тарабынан текшерүүлөрдү кыскартуу, укук коргоо жана фискалдык органдар тарабынан бизнеске кысым көрсөтүү фактыларын толугу менен жоюуга тийиштүү",- деди ал.

"Өкмөт аталган планды үстүбүздөгү жылдын 1-июнуна чейин ишке ашырууга умтулууда. Анын негизги бөлүгүндө кагаз жүзүндө кала бербестен, реалдуу жыйынтыгын берүүчү иш-чаралар каралган", - деди Улукбек Марипов.

Өз кезегинде бизнес-коомчулук өкүлдөрү өз көйгөйлөрүн билдиришип, бизнес жүргүзүү үчүн жагымдуу шарттарды түзүү боюнча бир катар сунуштарын киргизишти.

Жолугушуунун жыйынтыгында Улукбек Марипов бизнес өкүлдөрүнө конструктивдүү пикир алышуу үчүн ыраазычылык билдирип, 24 саат бою байланышта болууга даяр экендигин билдирди.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
162815;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: