Айдоочу рулду башкара албай калган. Сузакта жол кырсыгынан 1 адам каза болду

Кечээ, 23-февраль күнү Жалал-Абад облусунун Сузак районунда жол кырсыгы катталып, 1 адам каза болду. Бул тууралуу Өзгөчө кырдаалдар министрлигинин басма сөз кызматынан кабарлашты.

Маалыматка ылайык, саат 16:36 чамасында аталган райондун Таш-Булак айылында Hyundai Solaris үлгүсүндөгү унаанын айдоочусу рулду башкара албай жолдон чыгып кеткен.

"Кырсыктын кесепетинен 58 жаштагы 1 эркек киши каза болуп, 54 жаштагы 1 аял жабыркаган.

ӨКМнын куткаруучулары жеткенге чейин жабыркаган аялды "Тез жардам" кызматы ооруканага алып кеткен, ал эми каза болгон адамдын жансыз денеси ИИМ кызматкерлерине өткөрүлүп берилген", - деп жазылат маалыматта.

Автор: Гүлзина Каныбекова