"Күтүүсүздөн". Лионель Месси "Эльче" клубунун дарбазачысынан футболкасын сурады

Атактуу аргентиналык футболчу Лионель Месси футбол боюнча Испания чемпиондугунун алкагында өткөн "Барселона" - "Эльче" беттешинен кийин "Эльче" клубунун дарбазачысы Эдгар Бадиядан футболкасын сурады. Бул тууралуу чет элдик спорттук басылмалар жазды.

Маалыматка ылайык, оюн аяктагандан кийин "Барселонанын" капитаны Лионель Месси атаандаштарынын дарбазачысы Эдгар Бадияга келип, оюн үчүн ыраазычылыгын билдирип, футболка алмашууну сунуш кылган. 29 жаштагы дарбазачы бул сунушка таң калгандыгын жашырган эмес.

Белгилей кетсек, бул оюнда Лионель Месси Эдгар Бадиянын дарбазасына эки гол киргизген жана оюн 3:0 эсебинде каталондук клубдун жеңиши менен аяктаган.

Автор: Азат Бейшенбеков