Киев: Айпери Медет кызы атаандашын 30 секундда жеңсе, Үзүр Жусупбеков чейрек финалга чыкты

Бүгүн, 26-февралда Украинанын борбору Киев шаарында украиналык көрүнүктүү балбандарды жана машыктыруучуларды эскерүү үчүн күрөш боюнча XXIV эл аралык турнири башталды.

Мелдешке 97 килограмм салмакта грек-рим күрөшү боюнча катышкан кыргыз балбан Үзүр Жусупбеков болгариялык балбан Кирилл Миловду 6:5 эсебинде жеңип, турнирдин чейрек финалына чыкты.

Ал эми кыз-келиндер күрөшү боюнча 76 килограмм салмакта катышкан Айпери Медет кызы алгачкы жүрүшүндө эле украиналык балбан кызды 33 секунддун ичинде 10:0 эсебинде жеңди.

Бул турнирге Кыргыз өлкөсүнүн атынан 33 балбан катышууда.

Автор: Азат Бейшенбеков