Киев: Бир кыргыз балбаны жеңишке жетсе, өлкө чемпиону жеңилди. Кимдер?

Бүгүн, 27-февралда Киев шаарында украиналык көрүнүктүү балбандарды жана машыктыруучуларды эскерүү боюнча эл аралык турнирдин экинчи күндүк беттештери уланууда.

Турнирге күрөштүн грек-рим түрү боюнча 67 килограмм салмакта катышкан кыргыз балбаны Марилен Асикеев алгачкы жүрүшүндө эле коңшу өзбекстандык балбанга 6:5 эсебинде жеңилип калды. Марлен Асикеев 67 килограмм салмакта быйылкы өлкө чемпиондугунда чемпион аталган.

Ал эми эркин күрөш боюнча 120 килограмм салмакта катышкан белгилүү балбан Айаал Лазарев германиялык балбанды 5:3 эсебинде жеңип, мелдештин кийинки баскычына өттү.

Учурда турнир уланып жатат.

Автор: Азат Бейшенбеков