Жалал-Абад ОИИБи: "Аксыдагы ууланган туугандар 23-февраль менен 8-март майрамын майрамдашкан"

Жалал-Абад облусунун Аксы районунда массалык уулануу боюнча облустук милиция маалымат таратты.

Маалыматка ылайык, 4-март күнү таңкы саат 07:15 чамасында Аксы РИИБинин нөөмөт бөлүмүнө Аксы аймактык ооруканасынын дарыгери кайрылып, Аксы районунун Кара-Суу айыл аймагынын 3 тургуну оор абалда, болжолдуу диагнозу “уулануу” менен кайра жандандыруу бөлүмүнө кайрылгандыгын билдирген.

"Аталган факты боюнча Аксы РИИБинин жетекчилиги жана тергөө ыкчам тобу окуя болгон аймакка барып тактоо иштерин жүргүзүшкөн. Алдын ала алынган ыкчам маалымат боюнча, 2-март күнү саат болжол менен 14:00 чамасында Кара-Жыгач айыл аймагындагы ашканага Кара-Суу айыл аймагынын 1956-жылы туулган Э.Б. аттуу тургун буюртма берип, өзүнүн жакын туугандарына 23-февраль жана 8-мартка карата майрам кылып берүү үчүн Кара-Суу айыл аймагынын тургундарынан турган 15 чакты адамды чакырган. Чакырылган жерге 19 адам барган. Ал жерде туугандар өз ара майрамдап отурушкан. Отурган жеринде тамак тартылган жана спирт ичимдиктери ичилген.

Отуруштан болжол менен саат 16:30да тарап кетишкен. Эртеси, тактап айтканда 3-март күнү кечинде болжол менен саат 23:00 чамасында отурушка барган алты адам Кызыл-Туу айыл аймагына караштуу үй-бүлөлүк дарыгерлер бөлүмүнө жакын туугандары тарабынан жеткирилип, ал жерден алдын ала биринчи жардам көрсөтүлгөн. Абалдары оор болгондуктан жолдомо менен Аксы аймактык ооруканасына жөнөтүлгөн. Алардын үчөө жолдон, үчөө ооруканага келген соң каза болгон.

Бул факты Жазык кодексинин 280-беренеси "санитардык-эпидемиологиялык эрежелерди бузуу" менен катталып, сотко чейинки өндүрүш иши ачылып, тергөө иштери уланууда", - деп билдиришти басма сөз кызматынан.

Автор: Айсалкын Качкынбекова

15:23 04-03-2021

Жазылуу

РУБРИКАДАГЫ СОҢКУ КАБАРЛАР

17:04 2025-05-24 | Саясат

Баткен шаарындагы кирпич заводдун жери жеке менчиктен мамлекеттин балансына өттү 150 0

16:06 2025-05-24 | Коом жана турмуш

GOLD SHAH-2025 эл аралык ашпозчулар сынагы: Кыргызстандын ашпозчулары алтын медалдарды жеңип алышты 276 0

15:33 2025-05-24 | Кылмыштар, кырсыктар

"Кой, кой дегенде койгон жакшы". Ошто жаратылышка бара жаткан окуучулар артка кайтарылды 1588 0

14:46 2025-05-24 | Коом жана турмуш

Нарында кечээ кайталанган шамал үйлөрдүн чатырларын учурду 453 0

14:25 2025-05-24 | Кылмыштар, кырсыктар

Кара-Сууда күчтүү таасир этүүчү дарыларды сатып жүргөн 3 эркек, 2 аял кармалды (видео) 894 0

14:02 2025-05-24 | Түркүн дүйнө

Париж соту Ким Кардашьянды тоногон кылмыштуу топтун мүчөлөрүнө өкүм чыгарды 959 0

Архив

Комментарийлер (7)

Belek1710

2021-03-04 15:31:56

Өз ара майрамдап калыштыбы акыры, жаткан жерлери жайлуу болсун, талапкердин ден-соолугу кандай болду экен чай берген?!

bond02

2021-03-04 15:35:59

Уже версия озгорду э.

akmanai

2021-03-04 15:47:39

Арактан ууланды болуш керек акыркы кундору арак ичип, каза болгондор коп болууда!

-1

Donikg

2021-03-04 16:10:48

Арактан уулангаг

-1

Donikg

2021-03-04 16:11:16

Арактан ууланган

Umar7

2021-03-04 16:16:14

Бул жерде неге жалган верция берет, жергиликтүү кеңешке талапкер, чай берген деп жүпөтгө

aitiev1210

2021-03-04 17:01:20

Депутаттын тууганы болгон учун ушунтип коюшту окшойт го, уят эле ИИМ болгонун болгондой эле айта бергиле да, жок дегенде маалымат такталып атат деген дежурный созунор бар эле го, ошентип койбопсунар.....

Комментарий калтыруу үчүн өз ысымыңыз менен кириңиз же каттоодон өтүңүз.