"Ак калпак кийгендерди кыргыз деп бил". Ошто "Улуттук кийимдер" жөө жүрүшү өттү

Бүгүн, 5-март - Ак калпак күнүнө карата Ош шаарында "Улуттук кийимдер" жөө жүрүшү өттү. Бул тууралуу шаардык мэриянын басма сөз кызматынан билдиришти.

Билдирүүгө ылайык, аталган иш-чарага Ош шаарынын жаштар иштери боюнча комитетинин башчысы Изатбек Берхмаматов баштаган 1500 активдүү жаштар, улуттук кийимчен апалар жана кыз-келиндер катышты.

"Жөө жүрүштүн катышуучулары борбордук аянттан тарта улуттук драма театрына чейин улуттук баалуулуктарды даңазалаган, патриоттук чакырыктар менен басышты.

Салтанаттуу иш-чара Султан Ибраимов атындагы улуттук драма театрындагы концерттик программа менен уланды", - деп жазылат маалыматта.

Автор: Айжанар Рыспек кызы
Фото: Ош шаардык мэриясынын басма сөз кызматы