Айдоочу айымдарга гүл десте. Баткенде салтка айланган саамалык уланды

Баткенде жол кыймылынын коопсуздугун камсыздоо кызматы айдоочу айымдарга гүл десте белек кылышты. Бул тууралуу Баткен ОИИБинен билдиришти.

"Кадамжай районунда жол кыймылынын коопсуздугун камсыздоо кызматы бүгүн, 8-март Эл аралык аялдардын майрамы менен куттуктады. Кызматкерлер унаа башкарган айымдарга, унаанын ичинде жүргүнчү катары бара жаткан энелерге гүл белек кылып, жакшы каалоо-тилектерин айтышты. Бул саамалык жыл сайын уланып, асылзат айымдарыбызга болгон сый-урмат көргөзүлүп келет", - деп жазылат билдирүүдө.

Автор: Гүлзина Каныбекова
Фото: Баткен ОИИБинин маалымат кызматы