Чүйдө издөөдө жүргөн уюшкан кылмыштуу топтун мүчөсү кармалды

Чүй облусунун милиция кызматкерлери тарабынан издөөдө жүргөн уюшкан кылмыштуу топтун мүчөсү кармалды. Бул тууралуу облустук милициядан билдиришти.

Маалыматка ылайык, Чүй ОИИББинин криминалдык милиция кызматынын уюшкан кылмыштуулукка каршы күрөшүү бөлүмүнүн кызматкерлери буга чейин алдамчылык боюнча издөөдө жүргөн жарандын жүргөн жери боюнча ыкчам маалымат түшкөн. Жогорудагы маалыматты текшерүү максатында милиция кызматкерлери тарабынан бир катар ыкчам тергөө иш-чаралары жүргүзүлгөн.

Үстүбүздөгү жылдын 6-март күнү уюшкан кылмыштуулукка каршы күрөшүү кызматынын жана Сокулук РИИБинин кызматкерлери тарабынан Бишкек шаарындагы үйлөрдүн биринен 1975-жылы туулган У.А. аттуу жаран кармалган. Ал ИИМдин ыкчам каттоосунда уюшкан кылмыштуу топтун мүчөсү катары турган.

Белгилеп кетүүчү жагдай, кылмышка шектүү жаран буга чейин бир нече кылмыштарга шектелип, кылмыш жоопкерчилигине тартылган. Кармалган жаран Сокулук РИИБинин убактылуу кармоочу жайына камакка алынган. Сотко чейинки өндүрүш иштери улантылууда.

Автор: Айсалкын Качкынбекова