Президент Садыр Жапаров Өзбекстанга мамлекеттик иш сапары менен келди. Бул тууралуу президенттик аппараттан билдиришти
"Ислам Каримов атындагы эл аралык "Ташкент" аэропортунан мамлекет башчысын Өзбекстандын премьер-министри Абдулла Арипов тосуп алды.
Ташкент эл аралык аэропортунун флагштокторуна Кыргыз өлкөсүнүн жана Өзбекстандын мамлекеттик желектери илинип, килем төшөлдү жана ардактуу кароолдун ротасы тизилди", - деп жазылат малыматта.
Президент Садыр Жапаров бүгүн, 11-мартта Өзбекстанга мамлекеттик иш сапары менен жөнөп кеткен. Иш сапардын алкагында, өлкө башчы Өзбекстандын президенти Шавкат Мирзийоев менен эки тараптуу сүйлөшүүлөрдү жүргүзөт