Милициянын кайгуул кызматынын жол көзөмөлдөө бөлүмү "Бишкекасфальтсервис" ишканасы менен биргеликте жолдорду жамоо, оңдоп-түзөө иштерин жүргүзүүдө. Бул тууралуу аталган кызматтын маалымат кызматынан билдиришти.
Маалыматка ылайык, социалдык тармактар аркылуу жарандардан келген кайрылууларды эске алуу менен Абдрахманов жана Чүй көчөлөрүнүн кесилиши, Чүй жана Павлов көчөлөрүнүн кесилиши, Орозбеков жана Абдымомунов көчөлөрүнүн кесилиши жана башка бир катар көчөлөрдө чоң унаа жүрүүчү жолдорду жамоо, оңдоп-түзөө иштери жүргүзүлгөн.