Бишкекте 32 жаштагы жаран көрө албастыктан улам таанышын уруп, денесине залал келтирди

Бишкек шаарында бейбаштык фактысына шектелип, 32 жаштагы жаран кармалды. Бул тууралуу Октябрь РИИБинин басма сөз кызматынан билдиришти.

9-февралда шаар тургуну чала таанышы дүкөндөрдүн биринде көрө албастыктан улам аны уруп, денесине залал келтиргенин айткан. Жабырлануучу медициналык жардам алуу үчүн ооруканага кайрылганда эки тараптуу жаак сөөгү сынган деген диагноз коюлган.

Шектүүнү издөө иштеринин жүрүшүндө 1988-жылы туулган жаран кармалып, убактылуу кармоочу жайга киргизилди.

Аталган факты Кылмыштардын жана жоруктардын бирдиктүү реестрине катталып, сотко чейинки өндүрүш иши жүрүүдө. Октябрь райондук сотунун чечими менен шектүү жаран эки айга үй камагына чыгарылды.

Автор: Айжанар Рыспек кызы