Эртең Жалал-Абадда жаз жарманкеси өтөт

Эртең, 13-мартта Жалал-Абад шаарында жаз жарманкеси өтөт. Бул тууралуу шаардык мэриянын басма сөз кызматынан билдиришти.

Маалыматка ылайык, жаз жарманкеде шаар тургундары ата мекендик өндүрүшчүлөрдөн арзан баадагы азык-түлүктөрдү ала алышат.

"Жарманкеде эт, май, ун жана жашылча-жемиш өңдүү негизги керектелүүчү азыктар сатыкка чыгат. Жарманке эртең мененки саат 10:00дө башталып, "Береке" базарында өтөт. Шаар тургундары азык-түлүктү дыйкандар, ата мекендик өндүрүшчүлөрдөн базар баасынан арзан наркта ала алышат", - деп жазылат маалыматта.

Белгилей кетсек, азык-түлүк жарманкелери Бишкек шаарында дем алыш күндөрү байма-бай өтүп келүүдө.

Автор: Айжанар Рыспек кызы