12-мартта Орусиянын билим берүү министринин биринчи орун басары Дмитрий Глушко баштаган Орусия Федерациясынын Билим берүү министрлигинин делегациясы Ош шаарына келди.
Орусия Федерациясынын Билим берүү министрлигинин делегациясы шаардагы билим берүү мекемелерин куруу үчүн сунушталган жайлар менен таанышып, орус тили мугалимдери менен жолугушуу өткөргөн.
Бул тууралуу Ош шаардык мэриясынан кабарлашты.
Маалыматка ылайык, делегация өкүлдөрү мэрия сунуш кылган жер тилкелерине канааттанган.
Белгилей кетсек, Орусия Федерациясынын колдоосу менен Кыргыз Республикасында билим берүү мекемелерин куруу маселеси кийинки аптада Орусиянын билим берүү министри менен Кыргыз Республикасынын билим берүү министринин жолугушуусунда кеңири каралат.